Liandova Te Unau Season 4

Buh seng a lo hun a, Liandova chu a lungleng viau mai a,“Ka pi tê kha ka va ngai em ve aw,” a han ti a. Vau atangin Khuavang pitar tê kha a lo chhuak a. “Eng nge in duh le?” a rawn ti a. Liandova chuan buh seng tura hriamhrei leh hmanrua an neih loh thu a sawi a. Khuavang pitar tê chuan naktukah an buh sengpuiah a khuain mi sawm tur leh, an buh sengna hmunah alo lam tur thuthu a sawiin, mahse nui lo turin a chah a. A khua chuan buh seng turin an sawm ta a. An khaw nu ho chuan zuam zetin nau chaw hmuam chung in an seng puia. Khuavang pitar tê kha an hmaah chuan a lo lam a, a lo su hliau hliau reng a. Chutih chhung zawng chuan an seng zo thei ta lo va, nu nau chaw hmuam te chuan an chhak zel zul ta mai a. Nakinah chuan ni chu a lo thlang her ta bawih a, khua chu a lo tlai lam ta a. Tuaisiala buh seng ning chuan, “Ka pi tê reuh chu e,” a ti a, a han nuih ta a. Chu veleh chuan an buh seng tur zawng zawng chu a awm lo ta duak mai a, an zo chu a ni ta a. Liandova te uanu chuan an kum khat ei dawn lai buh an nei ve ta a. An la rethei hle chungin vanneihna eng eng emaw an tawk hret hret tan ta a ni.